- A bheil sibh a’ ceumnachadh am bliadhna às dèidh Cùrsa Oilthighe no Colaiste?
- A bheil sibh a’ lorg obair far am bi sibh a’ cur ur sgilean ’s ur n-eòlas sònraichte gu feum le buidheann a tha ag obair tro mheadhan na Gàidhlig?
- An còrdadh cùmhnant bhliadhna ruibh agus co-dhiù £15,000 mar thuarastal?
|
A’ leantainn air cho soirbheachail ’sa bha an sgeama seo bho chaidh a stèidheachadh ann an 2004, tha Comunn na Gàidhlig ga ruith am bliadhna a-rithist is sinn ag amas air dreuchdan ùra a chruthachadh ann an saoghal na Gàidhlig airson daoine a th’air ùr-cheumnachadh.
Tha CnaG ag amas gus dreuchdan gu tur ùra a chruthachadh ann an saoghal na Gàidhlig tron sgeama seo is mar sin tha e a’ cur gu mòr ri leasachadh na Gàidhlig anns an fharsaingeachd. Air sgath ’s gu bheil dàrna leth gach tuarastal air a phàigheadh le CnaG, tha na buidhnean fhèin a’ faighinn cheart uiread de bhuannachd às ’sa tha an luchd-ceumnachaidh.
Chun an seo tha An Comunn Gàidhealach, An Lanntair, Ceòlas, Comunn na Gàidhlig, Fèisean nan Gàidheal, Fosglan, Iomairt Nis, Stiùidio Alba agus Stòrlann air pàirt a ghabhail anns an sgeama agus tha 12 luchd-ceumnachaidh air cothrom obrach fhaighinn troimhe. Tha cuid den fheadhainn a thòisich ann an 2004 fhathast ag obair airson an aon bhuidheann agus mar sin a bharrachd air a bhith a’ cruthachadh chothroman dhan Ghàidhlig, tha CnaG a’ cruthachadh dhreuchdan ùra dha saoghal na Gàidhlig!
Gheibh luchd-ceumnachaidh an sgeama cothrom gus eòlas a chur air a chèile aig Ionad Outward Bound faisg air a’ Ghearasdan far am bidh iad a’ dèanamh Cùrsa Fèin-leasachaidh còmhla airson seachdain.
Ma tha ùidh agaibh anns an sgeama, lìonaibh a-steach Foirm Iarrtais agus cuiribh thugainn e aig:-
Comunn na Gàidhlig
71-77 Sràid Chrombail
Steòrnabhagh
Eilean Leòdhais
HS1 2DG
Fòn: 01851 701802
Facs: 01851 705515
Post-d: calumiain@cnag.org.uk
Ma tha tuilleadh fiosrachaidh a dhìth oirbh cuiribh fios thugainn agus nì sinn ar dìcheall gus ur ceistean a fhreagairt.
| 
