25mh Iuchair 2006

Bha dà champa Sradagan aig Comunn na Gàidhlig am bliadhna anns a Bhlàr Dubh far an robh 48 clann aois 9-12 bho air feadh Alba an sàs.

Abair gu robh deagh spòrs aca – bha iad trang le tòrr cuir-seachadain is tursan. Bha iad a dèanamh boghadaireachd, balladh-peanta, curachanachd, sleamhnaich na bàis, a togail raft, is chaidh iad dhan Aquadome is dhan ionad bòbhlaidh ann an Inbhir Nis. Bha cèilidh, le tàlant mìorbhaileach, is disco aca cuideachd leis an DJ aca fhèin – seachdain trang da rìreabh!

Thuirt Fay NicDhiarmaid, Manaidsear Phròiseactan Òigridh aig CnaG, “Tha na campaichean seo mar phàirt de phoileasaidh Comunn na Gàidhlig a bhith brosnachadh na Gàidhlig taobh muigh na sgoiltean agus a dèanamh cinnteach gu bheil e spòrsail. Bu thoil leam taing a’ thoirt dhan a h-uile duine a’ chuidich sinn thairis air an dà sheachdain. Cuideachd dha na buidhnean a tha toirt maoineachadh dhuinn, Bòrd na Gàidhlig is Iomairt na Gàidhealtachd, às an aonais cha b’urrainn dhuinn tachartasan mar seo a thairgsinn dhan òigridh.

’S fheudar gu bheil sinn a dèanamh rudeigin ceart oir a rithist am bliadhna tha barrachd clann air tighinn còmhla rinn. Tha e cho cudromach gu bheil a chlann a faighinn cothroman mar seo Gàidhlig a bhruidhinn ann an shuidhichean neo-fhoirmeil agus aig deireadh na seachdain thuirt iad uile gun do chòrd e riutha- an rud is misneachail ri chluinntinn.”