26mh Giblean 2006

Bidh mu thimcheall 200 neach-cloinne bho feadh Alba a' tighinn do phrìomh bhaile na dùthaich aig deireadh na mìos seo a fhrithealadh an treas seachdain Gàidhlig airson sgoiltean a tha air a chur air dòigh le Comunn na Gàidhlig ann an co-bhonn le Lios Luibheach Rìoghail Dhùn Èideann. Am bliadhna bidh an tachartas a' gabhail a-steach tursan aig Pàrlamaid na h-Alba, an Taigh-tasgaidh Nàiseanta, Caisteil Dhùn Èideann agus Our Dynamic Earth.

Bidh sgoilearan a àiteachan cho fad às ri Leòdhas, Uibhist agus na Hearradh a' faighinn buannachd às an sgeama ùr-ghnàthaichte seo a tha a' toirt Gàidhlig a-mach às a' chlas le na diofar shuidheachaidhean ùra seo, a-rèir Magaidh Wentworth, Oifigear Phàrant aig Comunn na Gàidhlig, a mhìnich: "Tha cuairtean foghlaim uabhasach cudromach ann a bhith a' leasachadh a' chànain agus am faireachdainn a tha aig a' chlann a thaobh a' Ghàidhlig agus tha seo na chothrom dhaibh a bhith ag ionnsachadh tro chur-seachadan neo-àbhaisteach a tha tlachdmhor agus a tha air falbh bhon sgoil."

Thuirt an Dr Mark Newman, liubheadair tropaigeach aig RBGE "Tha e dà-riribh freagarrach gun tigeadh clann le Gàidhlig chun na Botanics, far am bheil sinn a' dèanamh rannsachadh air bith-iolar a tha sìor fhàs tearc an Alba agus feadh an t-saoghail gu lèir, oir tha an cànan agus an cultar aca annasach agus prìseil dhuinn an seo an Alba."